ENGLISH

Cynllunwyr Gwasanaeth Cyfoed

Gwerthuswr Prosiect

Rydym yn chwilio am werthuswr medrus i weithio mewn partneriaeth â ni i werthuso ein prosiect pum mlynedd uchelgeisiol.

Manylion y swydd

Roedd blwyddyn gyntaf ein prosiect, Meddwl Ymlaen Gwent (MYG) yn ymchwilio profiadau pobl ifanc o wasanaethau iechyd meddwl yng Ngwent.

Cyflogwyd 10 o ymchwilwyr cyfoed i helpu siarad gyda'u cyfoedion, dadansoddi data, dewis themâu allweddol, ac ysgrifennu adroddiad i rannu'r darganfyddiadau. Cyhoeddwyd ein Hadroddiad Darganfod yn fis Hydref 2023, yn cynnwys 7 prif fewnwelediad hoffem eu symud ymlaen i gam nesaf y prosiect.

Rydym yn edrych am bobl ifanc i ymuno â'r grŵp i helpu symud y prosiect yn ei flaen dros y flwyddyn nesaf.

Bydd Cynllunwyr Gwasanaeth Cyfoed ar flaen y gad yn esblygiad y prosiect MYG, yn trawsnewid y mewnwelediadau o'r cyfnod ymchwil yn ddatrysiadau gwirioneddol.ß

Gall tasgau gynnwys:

Ymchwilio i anghenion pobl ifanc yn dy gymunedau, yn seiliedig ar yr Adroddiad Darganfod

Cymryd rhan weithredol mewn grwpiau ffocws, sesiynau mapio meddwl, a gweithdai gyda dy gyfoedion, cydweithwyr a rhanddeiliaid

Rhwydweithio â phobl ifanc a gweithwyr proffesiynol sy’n gweithio gyda nhw yn dy gymunedau

Datblygu prototeipiau gyda chymorth cyd-gynllunwyr a staff gwasanaethau cyfoed

Mynd i ddigwyddiadau preswyl i bobl ifanc a chyfarfodydd wyneb yn wyneb

Beth yw’r manteision i bobl ifanc?

Rhoi hwb i hyder drwy rannu dy lais a’th syniadau mewn lle diogel

Dylanwadu ar newid cadarnhaol mewn cymunedau ar draws Gwent

Gwaith rhan-amser, gyda chyfarfodydd rhithiol ac wyneb yn wyneb (fel arfer rhwng dydd Llun a dydd Mercher rhwng 3pm a 6pm)

Mynediad at gyfleoedd hyfforddi perthnasol i wella dy sgiliau a’th CV

Staff cefnogol sydd eisiau gweld ti’n ffynnu

Oddeutu 10 awr y mis ar gyfradd y Cyflog Byw Cenedlaethol (£12 yr awr)

Y Broses Ymgeisio

Gall pobl ifanc wneud cais wrth lenwi’r ffurflen hon.

Y dyddiad cau ar gyfer derbyn ceisiadau yw 18fed Mawrth 2024.

Bydd yr ymgeiswyr llwyddiannus yn cael eu gwahodd i gyfweliadau a gynhelir dros Zoom ar 2il,

3ydd neu 11eg o Ebrill.

Manylion y swydd

Ydych chi’n werthuswr profiadol sy’n frwd dros gael effaith gadarnhaol ar iechyd meddwl pobl ifanc?

Mae MYG, sy’n cael ei ariannu gan Gronfa Gymunedol y Loteri Genedlaethol ac yn cael ei arwain gan ProMo Cymru a Mind Casnewydd, yn dechrau ei ail flwyddyn yn 2024 gyda gweledigaeth i gynllunio atebion arloesol ar gyfer heriau iechyd meddwl ymysg pobl ifanc yng Ngwent.

Mae'r prosiect yn canolbwyntio ar ganfod bylchau mewn gwasanaethau, adeiladu ar fentrau llwyddiannus, a datblygu dulliau newydd i gefnogi iechyd meddwl pobl ifanc.

Amcanion Gwerthuso:

Arwain ein tîm staff wrth ddewis y dulliau gwerthuso gorau

Helpu i ddatblygu dogfennau gwerthuso mewnol i sicrhau bod data cynhwysfawr yn cael ei gasglu

Diffinio canlyniadau mesuradwy i ddangos tystiolaeth o lwyddiant y prosiect

Cefnogi’r gwaith o grynhoi astudiaethau achos ac adroddiadau monitro

Gwerthuso’r prosiect yn gyfannol a llunio adroddiad terfynol erbyn Hydref 2027

Cyflwyno Eich Cynnig

Rydym wedi dyrannu cyllideb o £5,000 y flwyddyn ar gyfer blynyddoedd 2, 3, 4 a 5.

Mae ceisiadau ar gyfer y swydd hon yn cau ar 18fed Mawrth 2024.

I gael manylion llawn am y cyfle hwn, darllenwch y briff llawn.

YMGEISIWCH NAWR:

GWERTHUSWR PROSIECT

I helpu, gallech chi:

Rannu'r e-bost yma gyda'ch rhwydweithiau

Postio am y swyddi ar eich sianeli cyfryngau cymdeithasol

Dweud wrth y bobl ifanc rydych chi'n gweithio’n uniongyrchol â nhw am y cyfle

Ei rannu all-lein, wrth argraffu copi o'r poster A4 a'i arddangos yn lleol

Cyfeiriad e-bost

info@mindourfuturegwent.co.uk

Cyfryngau Cymdeithasol